सिन्धुपाल्चोक वस दुर्घटना अपडेटःमृतकको संख्या १२ पुग्यो, १८ घाइते

सिन्धुपाल्चोक ।

सिन्धुपाल्चोकमा भएको वस दुर्घटनमा १२ जनाको मृत्यु भएको छ । दोलखाको कालिञ्चोक भ्रमणबाट भक्तपुर फर्कँदै गरेको बा ४ ख ४४६८ नम्बरको बस सुनकोशी गाउँपालिका –७ स्थित ६ किलो मोडमा आइतबार बिहान सवा ८ बजे दुर्घटना भएको थियो । दुर्घटनामा १८ जना गम्भीर घाइते भएका छन् । उनीहरुलाई उद्धार गरेर धुलिखेल अस्पताल लगिएको छ । बस झण्डै पाँच सय मिटर तल खसेको छ । घटनास्थलमा अहिलेसम्म १२ जनाको शव भेटिएको सिन्धुपाल्चेकका प्रहरी प्रवक्ता प्रहरी निरीक्षक गणेश खनाललेबताउनु भयो ।