ब्रेमेनमाथि वार्यनको फराकिलो जित, कोन्टिन्होको ह्याट्रिक,लेवान्डोस्कीको २ गोल

एजेन्सी । जर्मन बुण्डेस लिगामा बायर्न शानदार जित हासिल गरेको छ । गएराति भएको खेलमा बायर्नले वेर्डेर ब्रेमेनलाई घरेलु मैदानमा १–० ले पछि परेको स्थिति उल्टाउँदै ६–१ को जित निकालेको हो ।बार्यनको जितमा फिलिपे कोन्टिन्होले ह्याट्रिक गरे । उनले खेलको ४५, ६३ र ७८ औं मिनेटमा गोल गर्दै ह्याट्रिक पूरा गरे भने रोबर्ट लेवान्डोस्कीले दुई गोल गरे ।

उनले पहिलो हाफको इन्जुरी समयको चौथो र ७२ औं मिनेटमा गोल गरे । लेवान्डोस्कीले यो सिजन अहिलेसम्ममा २३ खेलमा २९ गोल गरेका छन् ।

बार्यनका लागि ७५ औं मिनेटमा थोमस मुलरले गोल गरेका हुन् । वेर्डेर ब्रेमेनका लागि २४ औं मिनेटमा राशिकाले एक गोल गरे । जितपछि १५ खेलबाट २७ अंक जोडेको बार्यन म्युनिख चौथो स्थानमा पुगेको छ ।