सलाहाको २ गोलमा लिभरपुल विजयी

एजेन्सी । इंग्लिस प्रिमियर लिग फुटबलको लिग लिडर लिभरपुलले लिगमा आफ्नो अपराजित यात्रा कायमै राखेको छ । लिग अन्तर्गत शनिबार राति भएको खेलमा लिभरपुलले वाट्फोर्डलाई २–० ले पराजित गरेको हो । घरेलु मैदानमा भएको खेलमा मोहम्मद सालहले दुवै गोल गरेर लिभरपुललाई जित दिलाएका हुन् । ३८ औँ मिनेटमा पहिलो गोल गरेर टिमलाई सुरुवाति अग्रता दिलाएका सालहले ९० औँ मिनेटमा व्यक्तिगत दोस्रो गोल गरेर जित दिलाएका हुन् । पुछारको टिम वाट्फोर्डलाई पराजित गरेपछि शीर्ष स्थानको लिभरपुलको १७ खेलबाट ४९ अंक भएको छ । दोस्रो स्थानको लेस्टर सिटी भन्दा लिभरपुल १० अंकले अघि रहेको छ ।