मदन भण्डारी कलेजका विद्यार्थी चढेको गाडी दुर्घटना, २२ जना घाइते

काठमाडौं ।
काठमाडौंको बिजुलीबजारस्थित मदन भण्डारी ममोरियल कलेजका विद्यार्थी चढेको गाडी दुर्घटनामा परेको छ ।
पिकनिक (वनभोज) का लागि भक्तपुरको ध्याम्पेडाँडा जाँदै गरेको बा ५ ख ४२८६ नम्बरको बस सडकमै पल्टिएको हो ।
बस दुर्घटनामा २२ जना विद्यार्थी घाइते भएका महानगरीय प्रहरी परिसर भक्तपुरले जनाएको छ । प्रहरीका अनुसार घाइतेमध्ये २० जनाको अवस्था सामान्य रहेको छ ।
घाइतेमध्ये २० जनाको डाक्टर इवामोरा अस्पताल सल्लाघारी र २ जनाको भक्तपुर अस्पतालमा उपचार भइरहेको प्रहरीले जनाएको छ ।