दश किलो चरेससहित २ जना पक्राउ

मकवानपुर ।
मकवानपुरमा दश किलो चरेससहित शुक्रबार २ जना पक्राउ परेका छन् । बाराको पचरौटा नगरपालिका ७ का अरबिन्दकुमार पटेल र आदर्श कोतवाल गाउँपालिका १ का सुत्लान मिया अन्सारीलाई शुक्रबार बिहान प्रहरीले पक्राउ गरेको हो ।
प्रहरी चौकी भैँसेबाट खटिएको टोलीले उनीहरूलाई भीमफेदी गाउँपालिका २ बाट पक्राउ गरेको हो । बा ४० प ७२४० नम्बरको मोटरसाइकलमा चढेका उनीहरूबाट १० किलो २ सय ५० ग्राम चरेस बरामद गरिएको जिल्ला प्रहरी कार्यालय मकवानपुरले जनाएको छ । पक्राउ परेकामाथि अनुसन्धान भइरहेको प्रहरीले जनाएको छ ।