१३ लाखसहित सुन व्यवसायी बावु–छोरा पक्राउ

बाँके ।
बाँके प्रहरीले १३ लाख रुपैयाँसहित नेपालगगन्जका बाबुछोरालाई पक्राउ गरेको छ । गोप्य सूचनाको आधारमा जिल्ला प्रहरी कार्यालय, बाँकेको टोलीले नेपालगन्ज उपमहानगरपालिका–२, घरवारीटोलका सुन व्यवसायी सौरम सोनी र विनोदकुमार सोनीलाई नियन्त्रणमा लिएको प्रहरीले जनाएको छ ।
अवैध रुपैयाँ राखेको आशंकामा उनीहरूलाई नियन्त्रणमा लिएर श्रोत खोज्ने काम भइरहेको जिल्ला प्रहरी कार्यालय, बाँकेका प्रहरी निरीक्षक दीपक मल्लले जानकारी दिनुभयो । प्रहरी नियन्त्रणमा रहेका बाबुछोराले सुन राखेर चार लाख रुपैयाँ झिकेको, दुई लाख रुपैयाँ सटर भाडा बापत बुझेको बयान प्रहरीसमक्ष दिएको उहाले बताउनुभयो ।