डान्स आइडलबाट आज प्रतिक अधिकारी बाहिरिए

मायादेवी अनलाइन, जितपुर ।
कपिलवस्तुको बुद्धरंगशालामा जारी ११ औ कपिलवस्तु महोत्सवको सातौ दिन आज डान्स आइडलबाट प्रतिक अधिकारी बाहिरिएका छन् । महोत्सवकै आकर्षण मानिएको नवौ कपिलवस्तु डान्स आईडलको छैठौं दिन अधिकारी बाहिरिएका हुन् । अब डान्स आइडलमा ८ जना बाकी रहेका छन् । आजको प्रस्तुती संगै दर्शकको भोटको आधारमा भोली पनि एक जना बाहिरिने छन् । डान्स आइडलबाट बाहिरिएका प्रतिक अधिकारी लाई जिल्ला समन्वय समितीका प्रमुख नारायण खनाल, महोत्सवका निर्देशक दिनेश क्षेत्री लगाएतले मायाको चिनो प्रदान गर्नुभएको छ । जिल्लाकै पुरानो महोत्सव कपिलवस्तु महोत्सवमा आज सांस्कृतक कार्यक्रम तर्फ लोक तथा दोहोरी गायिका शान्ती श्री परियार, शिव हमाल र अमित बराल लगाएतका कलाकारको प्रस्तुती रहने छ ।