हात्तीको आक्रमणमा परी दुई महिलाको मृत्यु

कञ्चनपुर ।
महाकाली नगरपालिका–२ मा जंगली हात्तीको आक्रमणमा परी दुई महिलाको मृत्यु र चारजना महिला घाइते भएका छन्। मायापुरी सामुदायिक वनमा बुधबार घाँस दाउरा गर्न गएका ५० वर्षीया भुलीदेवी बोहरा र ३८ वर्षीया वसन्ती भट्टको हात्तीको आक्रमणमा परी मृत्यु भएको जिल्ला प्रहरी कार्यालय कञ्चनपुरका प्रहरी नायब उपरीक्षक नरेन्द्रबहादुर चन्दले जानकारी दिए। घाइते हुनेमा सोही ठाउँकी ललिता बोहरा, सुनिता विष्ट, उमा साउद र सरिता ओझा रहेका छन्। उनीहरुमध्ये दुईजनाको अवस्था गम्भीर रहेको प्रहरी नायब उपरीक्षक चन्दले बताए । घाइतेहरुको नजिकैको अस्पतालमा उपचार भैरहेको छ।