महोत्सवको छैठौं दिन आजः गजुरेलले हसाउने, खाँणले नचाउने

मायादेवी अनलाइन, वाणगंगा ।
११ औ कपिलवस्तु महोत्सवको छैठौ दिन आज (मंगलबार) हास्यकलाकार मनोज गजुरेल र लोक तथा दोहोरी गायक रामजी खाँण लगाएतको प्रस्तुती रहने छ । आज चर्चित हास्यकलाकार गजुरेलले दर्शकलाई हसाउने छन् भने गायक खाँणको प्रस्तुती संगै दर्शक नाच्ने छन् । बुद्ध रंगशाखा जितपुरमा जारी महोत्सवको छैठौ दिन सम्म आइपुग्दा दर्शकको सहभागिता उल्लेख्यीय रहेको छ । सोमबार (हिजो) लोक तथा दोहोरी गायिका प्रिती आले, लोक तथा दोहोरी गायक कुलेन्द्र विश्वकर्मा लगाएतको प्रस्तुती रहेको थियो । महोत्सवमा प्रत्येक दिन चर्चित राष्ट्रिय कलाकारले प्रस्तुती दिएका छन् ।
यसैगरी महोत्सवकै आकर्षण बनेको नवौं कपिलवस्तु डान्स आइडल पनि रोमान्चक बन्दै गएको छ । डान्स आइडल तर्फ प्रतिस्पर्धी बिच कडा टक्कर रहेको छ । डान्स आइडल तर्फ सोमबार (हिजो) १० जनाले आफ्नो प्रस्तुती दिएका थिए । तर सोमबार भने कोही पनि प्रतिस्पर्धी बाहिरिएनन् । आज भने डान्स आइडलबाट प्रतिस्पर्धि बाहिरिने छन् । वाणगंगा वेयलफेयर सोसाइटीको आयोजनामा मंसिर १९ गते बाट सुरु भएको महोत्सव पौष १ गते सकिने छ ।