महोत्सवको पाचौ दिन, कुलेन्द्र र प्रितिको बेजोड प्रस्तुती

मायादेवी अनलाइन, वाणगंगा ।
कपिलवस्तुकै पुरानो तथा ऐतिहासिक महोत्सव ११ औं कपिलवस्तु महोत्सवको पाचौ दिन सोमबार चर्चित लोक तथा दोहोरी गायिका प्रिति आले, लोक तथा दोहोरी गायक कुलेन्द्र विश्वकर्मा लगायतको बेजोड प्रस्तुती रहेको छ ।
बुद्ध रंगशाला जितपुरमा जारी ११ औ कपिलवस्तु महोत्सवको पाचौ दिन सोमबार प्रिती आले, कुलेन्द्र विश्वकर्मा लगायतले प्रस्तुती दिनुभएको थियो ।

यसैगरी मंगलबार हास्य कलाकार मनोज गजुरेल र लोक तथा दोहोरी गायक रामजी खाँण लगायतको प्रस्तुती रहने आयोजकले जनाएको छ ।
महोत्सवमा दैनिक राष्ट्रिय कलाकारको प्रस्तुती रहने गरेको छ । राष्ट्रिय कलाकारको प्रस्तुती संगै दर्शकले मनोरन्जन लिइरहेका छन् । यसैगरी महोत्सवको पाचौ दिन आज ८ हजार दर्शकले महोत्सवको अवलोकन गरेको आयोजकको दाबी छ ।
यस्तै डान्स आईडल तर्फ भने सोमबार कोही पनि बाहिरिएका छैनन् । सोमबार आयोजकको बैठक बसी कसैलाई पनि ननिकाल्ने निणर्य गरिएको हो । आइतबार एक जनाले प्रस्तुती नदिदा एकै दिन ३ जना बाहिरिएका थिए । मंगलबार भने १० जनाबाट प्रतिस्पर्धी बाहिरिने छन् ।