कपिलवस्तुमा कार दुर्घटना, एकको मृत्यु, ५ घाइते

मायादेवी अनलाइन, वाणगंगा ।
कपिलवस्तुमा सोमबार विहान कार दुर्घटना भएको छ । जिल्लाको बाणगंगा नगरपालिका वडा नं. ८ को बोडगाउँ नजिकै कार दुर्घटना भएको हो ।

दुर्घटनामा कपिलवस्तु नगरपालिका वडा नं. ९ हरनामपुरका अन्दाजी २९ बर्षीय सुरेश पाण्डेको मृत्यु भएको छ । पाण्डेले सो कार आफै चलाएको बुझिएको छ ।

घरबाट चारनम्बर जितपुरका लागि आउँदै गरेको बा ८ च ६३९० नम्वरको कार दुर्घटना हुँदा अन्य ५ जना घाइते भएका छन । घाइतेहरु मध्ये दुई जनाको बुटवलमा उपचार भैरहेको छ । अरुको चारनम्बरस्थित कपिलवस्तु सामुदायिक अस्पतालमा उपचार भैरहेको प्रहरीले जनाएको छ ।

तीव्र गतिमा रहेको कार आफै अनियन्त्रित भएर दुर्घटना भएको हुन सक्ने प्रहरीको प्रारम्भिक अनुसन्धान छ । कार सडक नजिकै रहेको विद्युतको पोलमा ठोक्किएको थियो ।

यो पनि…

कपिलवस्तुको वाणगंगामा कार दुर्घटनाग्रस्त