आज कपिलवस्तु महोत्सवमा पूर्व राजा ल्याउने तयारी, प्रचार प्रसार तीव्र

मायादेवी अनलाइन, वाणगंगा ।
कपिलवस्तुको वाणगंगामा विहीबारदेखि सञ्चालन भएको एघारौं कपिलवस्तु महोत्सवमा पूर्व राजा ज्ञानेन्द्र शाह आउने भएका छन् । शुक्रबार आज जिल्लाको गोरुसिंगेस्थित पशुपति मन्दिर दर्शकका लागि आउन लागेका पूर्व राजा शाहलाई कपिलवस्तु महोत्सवको पनि अवलोकन गराउन थालिएको हो ।
दिउँसो २ बजे पूर्व राजा शाह कपिलवस्तु महोत्सवमा आउने बताइएको छ । त्यसको लागि गाउँ गाउँ पुगेर प्रचारप्रसारलाई तीव्र पारिएको छ । महोत्सव आयोजक वाणगंगा वेलफेयर सोसाइटीले पूर्व राजा शाहलाई कपिलवस्तु महोत्सव अवलोकन गराउने कार्यक्रम तय भएको बताएको छ ।
सोसाइटीका अध्यक्ष तथा महोत्सव मूल आयोजक समितिका संयोजक राजकुमार खाँणले फेसबुकमा स्टाटस लेखेर उक्त कुरा बताउनुभएको हो । अध्यक्ष खाँणले महोत्सवको गेट आगाडी पूर्व राजालाई स्वागत गरिन प्रष्ट पार्नुभएको छ । महोत्सव पछि पूर्व राजा शाह लगत्तै गोरुसिंगे प्रस्थान गर्नेछन् ।