कपिलवस्तुको गोरुसिंगेमा एक पुरुषको विभत्स हत्या

मायादेवी अनलाइन, गोरुसिंगे ।
कपिलवस्तुमा एक पुरुषको विभत्स हत्या भएको छ । जिल्लाको बुद्धभूमि नगरपालिका वडा नं. २ गोरुसिंगेमा धनराज पौडेलको हत्या भएको हो । पौडेल आफ्नै घरको कोठामा विभत्स तरिकाले हत्या गरिएको अवस्थामा फेला परेका थिए ।
इलाका प्रहरी कार्यालय गोरुसिंगेका अनुसार पौडेलको घाँटी, टाउँको र शरीरका अन्य विभिन्न स्थानमा गम्भिर चोट छ । उनी अर्घाखाँचीबाट बसाईसरेर गोरुसिंगे आएका हुन् ।

उनी मंसिर १३ गतेदेखि हराएका थिए । उनी हराएको भन्ने सुचनाको आधारमा प्रहरलिे खोजविन गर्दा कोठामा मृत अवस्थामा फेला परेका हुन् । शुक्रबार साँझ मात्र प्रहरीले उनको शव भेटाएको थियो । उनलाई धारिलो हरियारको प्रयोग गरी हत्या गरेको हुनसक्ने आशंका गरिएको छ । घटनाबारे थप अनुुसन्धान भैरहेको प्रहरीले जनाएको छ ।