कावासोतीमा कारले पैदलयात्रीलाई ठक्कर दियो, मृतकको पहिचान खुलेन

नवलपरासी ।

नवलपरासी (पूर्व) कावासोती नवलपरासी वडा नं. ८ खरकट्टा जंगल स्थित पुर्व पश्चिम राजमार्गमा कारको ठक्करबाट गम्भीर घाइते भएका एकजना वेवारिसे व्यक्तिको मृत्यु भएको छ ।

गत बुधबार बुलेकी पूर्वबाट पश्चिम तर्फ आउँदै गरेको बा १४ च ६९४९ नं. को कारले अन्दाजी ५० वर्षीय पैदल यात्री पुरुष व्यक्तीलाई ठक्कर दिदा गम्भीर घाईते भएका थिए । उनको हालसम्म नाम थर वतन नखुलेको प्रहरीले जनाएको छन् ।

घाइतेलाई उपचारको लागि नवलपुर अस्पतालमा लगिएको थियो । उनको उपचारको क्रममा शनिबार बिहान मृत्यु भएको छ ।