वडाध्यक्ष शेर्पाको निधन

संखुवासभा, चैनपुर । 

संखुवासभाको चैनपुर नगरपालिका–२ का वडाअध्यक्ष काजी शेर्पाको निधन भएको छ । चैनपुर नगरपालिकाका प्रमुख भरत खत्रीले वडा अध्यक्ष शेर्पाको गएराति १२ बजे उनकै निवास मयूममा निधन भएको जानकारी दिए । वडा अध्यक्ष शेर्पा विगत आठ महिनादेखि क्यान्सर रोगको उपचार गराइरहेका थिए । शेर्पाको जन्म २०२५ साल फागुन १३ गते मयूममा भएको हो । वडा अध्यक्ष शेर्पा शिक्षक पेशाबाट अवकास लिएर अध्यक्ष भएका थिए । उनी तत्कालीन नेकपा एमालेबाट विजयी भएका हुन् । उनको शुक्रबार दिउँसो उनको गाउँ मयूममा अन्त्यष्टि गरिने नगर प्रमुख भरत खत्रीले जानकारी दिए । उनीका दुई छोरा र एक छोरी छन् ।