दुई चिनियाँ नागरिक ८ किलो सुनसहित पक्राउ परे

काठमाडौं ।
त्रिभुवन विमानस्थलबाट भंसार तथा नेपाल प्रहरीले हंगकंगबाट नेपाल ल्याईदै गरेको ८ किलो अवैध सुन समातेको छ । बिहीबार राती नेपाल एयरलाइन्सबाट नेपाल आएका दुई चिनियाँ नागरिकबाट उक्त सुन बरामद भएको हो ।

आरए ४१० जहाजबाट आएका चेन होङयाङ र चेन क्वीनहाङ नामका उनीहरू सुनसहित समातिएको विमानस्थल श्रोतले जनाएको छ । समातिएका दुबै चिनियाँ चीनको फुजियान प्रान्तका नागरिक हुन् ।