गोरुसिंगेमा सामाजिक सुरक्षा योजना विषयक अन्तरक्रिया

मायादेवी अनलाइन, गोरुसिंगे ।
सामाजिक सुरक्षा कोष र योगदानमा आधारित सामाजिक सुरक्षा योजना विषयक अन्तर्कृयात्मक कार्यक्रम कपिलवस्तुको गोरुसिंगेमा सम्पन्न भएको छ । देशभर सामाजिक सुरक्षा योजनाको लहर चलिरहदा कपिलवस्तुको गोरुसिङ्गेस्थित होटेल पौवाको सभाहलमा अन्तरक्रिया गरिएको हो ।
निजी तथा आवासीय विद्यालय अर्गनाइजेसन प्याब्सन कपिलवस्तुको आयोजना र सामाजिक सुरक्षा कोषको सहजीकरणमा अन्तरक्रिया सम्पन्न भएको थियो ।
उक्त कार्यक्रम सरकारले ल्याएको सामाजिक सुरक्षा योजनाभित्र रहेका विषयवस्तु केन्द्रित रहेको र जिज्ञासालाई सम्बोधन गर्न सहज हुने हेतुले संचालन गरिएको कोषका वरिष्ठ सहायक निर्देशक केदार ज्ञवालीले बताउनुभयो ।
उक्त कार्यक्रम प्याब्सन कपिलवस्तुका शिव गैरेको अध्यक्षता, कोषका निर्देशक कृष्ण अधिकारीको प्रस्तुतिकरण, प्याव्सन कपिलवस्तुका सुन्दर पाण्डेको स्वागत मन्तव्यमा सम्पन्न भएको थियो ।