बहादुरगञ्जमा बसले ठक्कर दिदा एक जनाको घटनास्थलमै मृत्यु

मायादेवी अनलाइन, कृष्णनगर । 

कपिलवस्तुमा बसको ठक्करबाट एक जनाको ज्यान गएको छ । जिल्लाको कृष्णनगर नगरपालिका ९ बहादुरगंजमा बसले ठक्कर जगराम कहाँरको मृत्यु भएको हो । ३५ बर्षीय कहाँरको निधन भएपछि घटनाको विरोध स्वरुप स्थानीयले चन्द्रौटा–कृष्णनगर सडकखण्ड अहिले अवरुद्ध पारेका छन् ।

उनी डिहवा गाउँका हुन् । बहादुरगञ्ज बजारबाट तरकारी लिएर घर फर्किदै गर्दा बसले उनलाई ठक्कर दिएको बहादुरगञ्ज प्रहरीले जनाएको छ । ठक्कर दिने बस वडा प्रहरी कार्यालय चन्द्रौटाको नियन्त्रणमा रहेको प्रहरीले जनाएको छ । चालक भने फरार छन् ।