नरपानी बस दुर्घटनाः विहानै देखि उद्धारमा सुरक्षाकर्मी

मायादेवी अनलाइन, अर्घाखाँची ।
बुधबार अपराह्न अर्घाखाँचीको नरपानीमा भएको यात्रुवाहक बस दुर्घटना हुँदा १९ जनाको मृत्यु भएको छ । दुर्घटनामा १८ जना घाइते भएका छन् भने उनीहरुको काठमाडौं, भैरहवा र बुटवलका विभिन्न अस्पतालमा उपचार भैरहेको छ ।
दुर्घटना अपराह्न भएकोले राती अवेरसम्म उद्धारको काम भएको थियो । अनकन्टार भीर भएकोले उद्धारमा कठिनाई भएको थियो । बुधबार रात परेको कारण बाँकी उद्धार रोकिन पुगेको थियो । यद्यपि दुर्घटनास्थलमा अझै शवहरु हुन सक्ने आशंकामा सुरक्षाकर्मीले विहीबार विहानै देखि खोजीकार्य गरेका छन् ।
अहिले दुर्घटनास्थलमा नेपाल प्रहरी, शसस्त्र प्रहरी, नेपाली सेना र सर्वसाधारणले शव र घाइतेहरु थप हुन सक्ने आशंका खोजी गरिरहेको हाम्रा अर्घाखाँची सहकर्मी विष्णुकुमार आलेले जानकारी गराउनुभयो ।