अर्घाखाँची बस दुर्घटना अपडेटः मृतकको संख्या १७ पुग्यो

सन्धिखर्क ।
अर्घाखाँचीको सन्धिखर्क नगरपालिका–६, नरपानीमा भएको बस दुर्घटनामा मृत्यु हुने १७ पुगेको छ। सन्धिखर्कबाट बुटवल आउँदै गरेको लु २ ख २१४८ नम्बरको बस तीन सय मिटर तल खसेको थियो ।

मृत्यु हुनेमा तीन बालबालिका समेत रहेका छन् । दुर्घटनामा १४ जना गम्भीर घाइते भएका छन् । सशस्त्र प्रहरी नायव उपरीक्षक माधव रेग्मीका अनुसार दिउँसो साढे एक बजे सन्धिखर्कबाट बस छुटेको थियो ।

बस छुटको १ घण्टामा दुर्घटना भएको हो । सन्धिखर्कबाट बस छुट्दा नौ जना यात्रुले मात्रै टिकट काटेका थिए । बाँकी यात्रु घुम्ती भन्ने स्थानबाट बसमा चढेका थिए ।

प्रमुख जिल्ला अधिकारी विजयराज पौडेलका अुनसार उनका अनुसार घाइते ११ जना बुटवल र ३ सन्धिखर्क लगिएको छ । मृतक र घाइतेको सनाखत हुन सकेको छैन । बसमा ३० यात्रु रहेको अनुमान गरिएको छ ।

बस दुर्घटनाको काराण पनि एकिन हुन सकेको छैन । चालक सहचालकको अवस्था समेत पत्ता नलागेको प्रजिअ पौडेलले बताए ।