रिलिज हुन नपाउँदै सलमान खानको फिल्म विवादमा

मुम्बई ।

बलिउड अभिनेता सलमान खानको फिल्म ‘दबंग ३’ रिलिजभन्दा पहिले नै विवादमा फसेको छ । हिन्दू जनजागृति समितिले सेन्ट्रल बोर्ड अफ फिल्म सर्टि्फिकेशनलाई फिल्मको सर्टि्फिकेट नदिन आग्रह गरेको छ ।

समितिले फिल्मको शीर्ष गीत ‘हुड हुड दबंग’ मा देखाइएको नृत्यले हिन्दू भावनामाथि ठेस र्पुयाउने प्रयास गरेको आरोप लगाएको छ ।

फिल्मको गीतमा सलमान खानसँग ऋषिहरुले आपत्तिजनक किसिमले नृत्य गरेको देखाइएको भन्दै समितिले विरोध गरेको हो । यो नृत्यले हिन्दूहरुको भावनामा ठेस र्पुयाएको समितिको दाबी छ ।

फिल्मको गीतमा सलमान खान नदीको किनारमा ऋषिहरुसँग नाच्दै गरेको देख्न सकिन्छ । यसका अलावा उनले ३ जनासँग आशीर्वाद लिन्छन् । ती ३ जना शिव, विष्णु र ब्रह्माको भेषमा हुन्छन् ।