गुल्मीमा जिप ५ सय मिटर तल खस्यो, एकको मृत्यु, चार घाइते

गुल्मी ।

गुल्मीमा जिप दुर्घना हुँदा एकजनाको मृत्यु भएको छ । गुल्मीको रिडीदेखि सत्यवती गाउँपालिकाको ठूलोलुम्पेक जाँदै गरेको लु. १ ज २७८४ नम्बरको जिप बुटिस गैरामा दुर्घटना हुँदा एक महिलाको मृत्यु हुनुका साथै चारजना घाइते भएका हुन् ।

मृत्यु हुनेमा सत्यवती गाउँपालिका ३ सिंदीकी ६८ वर्षीया ललिति सिंजालीको मृत्यु भएको जिल्ला प्रहरी कार्यालय गुल्मीका प्रहरी नायब उपरीक्षक मिनबहादुर घलेले जानकारी दिए ।

घाइतेहरूमा  २३ वर्षीया साजन राहदी, २२ वर्षीय देवबहादुर विक, २३ वर्षीय अनिल विक र ७ वर्षीय वीरेन्द्र सिंजाली रहेको घलेले बताए । दुर्घटनापछि चालक कपिल विक फरार रहेको रहेका छन् । घाइतेहरूलाई उपचारका लागि पाल्पा पठाइएको घलेले जानकारी दिए ।

जिप सडकदेखि करिब ५०० मिटर तल खसेको जिल्ला प्रहरी कार्यालय गुल्मीले जनाएको छ । घटनाको बारेमा अनुसन्धान भइरहेको घलेले बताए ।