ट्रकको परालमाथि सवार युवकको करेन्ट लागेर मृत्यु

चितवन ।
करेन्ट लागेर चितवनमा आइतबार एक जनाको मृत्यु भएको छ। भरतपुर महानगरपालिका २१ पार्वतीपुरको शंकर चोकका ४५ वर्षीय प्रेम थापाको मृत्यु भएको जिल्ला प्रहरी कार्यालय चितवनले जनाएको छ ।
ना ६ त २०५५ नम्बरको ट्याक्टरमा पराल लोड गरी त्यसमाथि बसेका थापालाई शंकर चोकमा दिउँसो साढे २ बजे करेन्ट लागेको थियो ।
गम्भीर घाइते थापाको उपचारका क्रममा भरतपुर अस्पतालमा साढे ३ बजे मृत्यु भएको प्रहरी नायव उपरीक्षक एक नारायण कोइरालाले बताए ।