बेदराम अर्याल सिद्धार्थ क्याम्पसको सहायक क्याम्पस प्रमुखमा नियुक्त

मायादेवी अनलाइन, वाणगंगा ।

कपिलवस्तुको सिद्धार्थ क्याम्पस वाणगंगा बुङ्चीको सहायक क्याम्पस प्रमुखमा बेदराम अर्याल नियुक्त हुनु भएको छ । सिद्धार्थ क्याम्पस सञ्चालक समितिले अर्याललाई सहायक क्याम्पस प्रमुखमा नियुक्त गरेको हो ।

लामो समय देखि यो पद क्याम्पसमा रिक्त थियो । तत्कालिन सहायक क्याम्पस प्रमुख दीप बहादुर केसीको निधन पछि रिक्त रहेको यो पदमा शनिबार अर्याललाई नियुक्त गरेको सिद्धार्थ क्याम्पस सञ्चालक समितिले जनाएको छ ।

कपिलवस्तुको अग्रिणी सिद्धार्थ क्याम्पसमा हालै मात्र खेमराज शर्मा क्याम्पस प्रमुखमा नियुक्त हुनुभएको छ । तत्कालिन क्याम्पस प्रमुख बालाराम ज्ञवालीको अवकाश पछि सञ्चालक समितिले शर्मालाई क्याम्पस प्रमुखमा नियुक्त गरेको थियो ।