नेइमार खेलको खेलमा पिएसजीको सहज जित

एजेन्सी ।
चोट मुक्त भएर नेइमार खेलमा फर्किएका छन् । नेइमार मैदान फर्किएको खेलमा पेरिस सेन्ट–जर्मेन (पिएसजी) ले सहज जित निकालेको छ ।
फ्रेन्च लिग वान फुटबल अन्तर्गत शुक्रबार राति भएको खेलमा पिएसजीले लिलेलाई २–० ले पराजित गरेको छ ।
पिएसजीका लागि माउरो आइकार्डीले १७ औँ तथा एन्जल डी मारियाले ३१ औँ मिनेटमा गोल गरे । नेइमार यो खेलमा केही राम्रा अवसर सिर्जना गर्न सफल रहे ।
अक्टोबर यता पहिलो पटक मैदानमा रहेका नेइमार ६५ मिनेटसम्म खेले । त्यसपछि उनको ठाउँमा केलियन एमबाप्पे आए ।
जितपछि शीर्ष स्थानको पिएसजीको ३३ अंक भएको छ । एक खेल कम खेलेको दोस्रो स्थानको मार्सेइलीको १३ खेलबाट २२ अंक भएको छ ।