‘हाम्रो होइन राम्रो नगर बनाउने अभियानमा छुः’ कृष्णप्रसाद पाण्डे

मणी गैह्रे, बुद्धभूमि ।
भर्खरै सरुवा भएर कपिलवस्तु बुद्धभूमी नगरपालिका आउनुभएका प्रमुख प्रशासकीय अधिकृत कृष्णप्रसाद पाण्डेले ‘हाम्रो नगर नभई राम्रो नगर’ बनाउने काममा आफु लाग्ने बताउनुभएको छ ।
नियमित कामकाजले त्यस्तो कार्य नहुने भन्दै पाण्डेले विकासको लागि योजना र मिति नै तय गरेर काम गर्नु पर्ने हुँदा सो अनुसार आफुले काम गर्ने बताउनुभयो । नगरपालिकाले आयोजना गरेको सरुवा भएर जानुभएका प्रमुख प्रशासकीय अधिकृत मेघनाथ पाध्याको विदाई तथा पाण्डेको स्वागत कार्यक्रममा उहाँले यस्तो बताउनुभएको हो ।
पाण्डेयले आफु तत्कालिन जिल्ला विकास समितिमा स्थानीय विकास अधिकारी, विभिन्न नगरपालिकाहरुमा कार्यकारी अधिकृत तथा मन्त्रालयमा बसेर समेत धेरै अनुभव गरेकाले सो अनुभवका आधारमा नगरपालिकामा काम गर्ने बताउनुभयो ।
नगरपालिकाका जनप्रतिनिधीहरुले जनताहरुमा वाचा गरेर निर्वाचन जितेर आएको हुँदा ति असिमित आवश्यकतालाई प्राथामिकताका आधारमा छनौट गरेर विकासका कामहरु गरिने समेत उहाले बताउनुभयो । स्थानीय तहमा असारे चटारो मात्र भन्ने परम्परा छ त्यस्तो प्रावधान हटाई चैत मसान्त सम्म विकासे काम सक्ने गरी काम गर्ने समेत उहाले बताउनुभयो ।
सो अवसरमा सरुवा भएर जाने मेघनाथ पाध्याले हालसम्म नगरपालिकामा बसेर अनुभव लिन पाएकोमा सबैलाई धन्यवाद व्यक्त गर्नुभएको छ । कार्यक्रममा नगर प्रमुख केशव कुमार श्रेष्ठले कर्मचारी र जनप्रनिधीहरु मिलेर नै विकास र शुसासन हुने हुँदा कर्मचारीका समस्या भएका तत्काल छलफलबाट समस्या समाधान गर्ने बताउनुभयो । सो अवसरमा उप प्रमुख मिरा थारु, वडा अध्यक्ष पवन कुमार थारु, शिक्षा शाखाका खेमराज पौडेल लगाएतले बोल्नुभएको थियो ।