चित्रकला प्रतियोगितामा शुसान्त कार्की प्रथम

मायादेवी अनलाइन, जितपुर ।
लायन्स क्लव अफ कपिलवस्तुको आयोजनामा चित्रकला प्रतियोगीता सम्पन्न भएको छ । क्लवका २०१९–२० का प्रसिडेन्ट कुमार खड्काको अध्यक्षता, शिक्षक महासंघ वाणगंगाका अध्यक्ष अर्जुन शाहीको प्रमुख आतिथ्यतामा सम्पन्न भएको हो । प्रतियोगीतामा हिलबर्टब बोर्डिङ स्कुलका छात्र शुसान्त कार्की प्रथम भएका छन् ।
यस्तै प्रतियोगितामा होराइजन मावि सिद्धिपुरका शुसन गाहा द्धितिय भएका छन भने भूपू सैनिक बोर्डिङ स्कुलकी अन्जना मगर तृतिय भएकी छन् । प्रतियोगितामा चन्द्रमाया श्रीस र कुमार खड्काले निर्णायक मण्डलको भूमिका निर्वाह गर्नुभएको थियो । कार्यक्रमको सञ्चालन लायन्स क्लव अफ कपिलवस्तुका भि.पि. प्रथम सुरज घिमिरेले गर्नुभएको लायन्सका सदस्य रमेशचन्द्र ज्ञवालीले जानकारी दिनुभएको छ । कार्यक्रममा मायादेवी मिडिया ग्रुप प्रालिका सचिव सुर्य चुदाली लगाएतको उपस्थिती रहेको थियो ।