राष्ट्रिय लोक तथा दोहोरी गीत प्रतिष्ठान नेपालको भवन उद्धघाटन मंसिर १ गते

मायादेवी अनलाइन, वाणगंगा ।
आफनै घर बनाउने राष्ट्रिय लोक तथा दोहोरी गीत प्रतिष्ठान नेपालको सपना पुरा भएको छ । काठमाडौमा सम्पन्न छैठौँ महाधिवेशनबाट अध्यक्ष बन्नु भएका बद्रि पंगेनीको नेतृत्वमा आफनै भवन निर्माण गर्न सफल भएको हो ।

‘प्रतिष्ठानको आफनै घर’ भन्ने नारा दिएर अभियान नै सञ्चालन गरेको प्रतिष्ठानले छोटो अवधिमा भवन निर्माण गर्न सफल भएको हो । राष्ट्रिय लोक तथा दोहोरीगीत प्रतिष्ठान नेपालको नव निर्मित भवनको उद्घघाटन कार्यक्रम मिति २०७६ मंसिर १ गते बिहान ८ बजे गर्ने प्रतिष्ठानका अध्यक्ष बद्रि पंगेनीले जानकारी गराउनुभयो ।