एजेन्सी ।
आउँदो वर्ष हुने युरोकप फुटबलका लागि स्थान पक्का गरिसकेको इटालीले छनौट चरण अन्तर्गत शुक्रबार राति भएको खेलमा फेरि प्रभावशाली जित दर्ता गरेको छ ।
समूह जे अन्तर्गत भएको खेलमा इटालीले बोसनिया हर्जगोविनालाई ३–० ले पराजित गरेको हो । पहिलो हाफमा दुई गोल गरेको इटालीले दोस्रो हाफमा थप एक गोल गरेको हो ।
इटालीका लागि २१ औँ मिनेटमा फ्रान्चिस्को एचेर्बी, लोरेन्सो इन्सिग्ने र ५२ औँ मिनेटमा आन्द्रेआ बेलोतीले गोल गरेका हुन् । इटाली यसअघि नै समूह जे को विजेता बन्ने पक्का भइसकेको छ । इटालीले अब छनौट चरणमा एक खेल खेल्न बाँकी छ ।
समूह जे अन्तर्गत नै भएको अर्को खेलमा फिनल्याण्डले लिचेस्टाइनलाई ३–० ले पराजित गरेको छ । जित निकालेको फिनल्याण्ड ९ खेलबाट १८ अंकसहित समूहको दोस्रो स्थानमा यथावत छ ।
अर्मे्नियालाई १–० ले पराजित गरेको ग्रिस भने तेस्रो स्थानमा उक्लिएको छ र उसको ११ अंक भएको छ ।
प्रतिक्रिया