पुस १७ गते देखि छैठौं चन्द्रौटा महोत्सव लाग्ने

मायादेवी अनलाइन, चन्द्रौटा ।
चन्द्रौटा महोत्सवको मिति तय भएको छ । विगतका बर्षहरुमा जिल्लामै सबैभन्दा पहिला सञ्चालन हुँदै आएको चन्द्रौटा महोत्सव हुने कि नहुने भन्ने अन्यौल भैरहेका बीच शुक्रबार मिति तय भएको हो ।
यस बर्षको महोत्सव चन्द्रौटा उद्योग वाणिज्य संघले आयोजना गर्ने भएको छ । गत बर्ष भने व्यापार संघ कपिलवस्तुले महोत्सव सञ्चालन गरेको थियो ।
महोत्सव पुस १७ देखि पुस २८ गतेसम्म सञ्चानल हुने चन्द्रौटा उद्योग वाणिज्य संघले जनाएको छ ।
प्रथम चन्द्रौटा महोत्सव कपिलवस्तु होटल तथा रेष्टुरेन्ट व्यवसायी संघ कपिलवस्तुले २०७१ सालमा लगाएको थियो । त्यस यता चन्द्रौटा उद्योग वाणिज्य संघ र व्यापार संघ कपिलवस्तुले महोत्सव गर्दै आएका छन् ।
यता एघारौं कपिलवस्तु महोत्सव मंसिर १८ गते देखि जिल्लाको वाणगंगा बुद्धरंगशालामा लाग्दै छ ।