भारतविरुद्ध कप्तान ज्ञानेन्द्र शुन्य रनमा बोल्ड

ढाका ।  एमसीसी इमर्जिङ एसिया कपमा अहिले नेपाल र भारत भिँडिरहेका छन् । नेपालले अहिले पहिले ब्याटिङ गरिरहेको छ । टस हारेर पहिले ब्याटिङको निम्तो पाएको नेपालको सुरुवाती सुखद हुन भने सकेन ।

नेपाली राष्ट्रिय क्रिकेट टोलीका कप्तान ज्ञानेन्द्र मल्ल दोस्रो बलमै शून्य रनमा  आउट भएका छन् । कुशल भुर्तेलसंग  ओपनरको रुपमा मैदान छिरेका कप्तान ज्ञानेन्द्र भारतीय एसआर दुबेको बलमा बोल्ड भए ।  पहिलो बलमै एलबी डब्लूको अपिल गरेका उनले दोस्रो बलमा भने मल्ललाई सिकार बनाए । क्रिजमा अहिले शरद भेषावकर आएका छन् ।

स्पिनरको रुपमा ललित नारायण राजवंशी र सुसन भारीलाई खेलाएको छ । तीब्र गतिका बलरको रुपमा सोमपाल कामी र करण केसीको जोडीले निरन्तरता पाएको छ । तीब्र गतिका बलर अभिनास बोहोरा, ओपनर इशान पाण्डे, रोहित कुमार पौडेल र सन्दीप जोरा बेन्चमा छन् । नेपालको शीर्षक्रम ब्याट्सम्यान शरद भेषावकर, आरिफ शेख र दीपेन्द्र सिंह ऐरी रहेका छन् ।