मसिंर १९ गते बाट एघारौं कपिलवस्तु महोत्सव, तयारीमा आयोजक

मायादेवी अनलाइन, जितपुर ।
एघारौं कपिलवस्तु महोत्सवको तयारीमा आयोजक जुटेको छ । यहि मंसिर १९ गतेबाट बुद्धरंगशालामा सञ्चालन हुन लागेको महोत्सवको तयारी तिव्र पारिएको आयोजकले जनाएको छ ।
“युवा क्षमतामा अभिवृद्धि कृषि र पर्यटनमा समृद्धि” भन्ने मूल नाराको साथ महोत्सव सञ्चालन हुन लागेको हो । वाणगंगा वेलफेयर सोसाइटीको आयोजनमा हुने महोत्सवलाई सफल पार्न आयोजक प्रचार–प्रसारमा तातेको छ ।
एघारौं कपिलवस्तु महोत्वसमा चर्चित राष्ट्रिय तथा स्थानीय कलाकारले प्रस्तुती दिने छन् भने स्थानीय स्तरमा उत्पादित कृषि प्रर्दशनी पनि रहने छ ।
मेला सञ्चालनको लागि स्टल बुकिङ खुला गरिएको आयोजकले जनाएको छ । कृषि, पर्यटन तथा औद्योगिक क्षेत्रको प्रर्बद्धनमा टेवा पुर्याउन आयोजना गरिएको महोत्सव पुस १ गते सकिने छ ।