अर्घाखाँची दुर्घटना अपडेटः ३ जनाको मृत्यु, अझै सनाखत हुन सकेन

बिष्णु कुमार आले, अर्घाखाँची । 

अर्घाखाँचीमा कार दुर्घटना हुँदा ३ जनाको घटनास्थलमै मृत्यु भएको छ ।  दुर्घटनामा परि अन्य २ जना घाईते भएका छन् । गोरुसिङ्गे–सन्धिखर्क सडक खण्डको नरपानी नजिकै रूपन्देहीको सैनामैनाबाट सन्धिखर्क जाँदै गरेको बा १७ च ६९१७ नम्बरको निजि कार दुर्घटनामा परेको हो ।

दुर्घटनामा परि २ जना पुरुष १ जना महिलाको मृत्यु भएको र उनीहरुको  सनाखत हुन सकेको छैन । घाइतेहरूलाई उपचारका लागी प्राथमिक स्वास्थ्य केन्द्र ठाडामा लगिएको छ ।

दुर्घटना भएको जानकारी पाउने बित्तिकै नरपानी प्रहरी, जिल्ला प्रहरी प्रमुख प्रकाश बिष्टको नेतृत्वमा खटिएको १२ जनाको प्रहरी टोली र सयौं जना स्थानिय बासिन्दाले घटनास्थल पुगेर उद्धार गरिरहेका छन् । कारमा ५ जना सवार रहेको प्रहरीले जनाएको छ ।