‘समुदायमा महिलाको अवस्था र अवसर’ विषयक अन्तरक्रिया

गीता अर्याल, जितपुर ।
कपिलवस्तुमा “समुदायमा महिलाको अवस्था र अवसर विषयक छलफल कार्यक्रम सम्पन्न भएको छ । क्रियाशिल पत्रकार महिला (डब्लूडब्लूजे) कपिलवस्तुको आयोजनामा भएको कार्यक्रममा महिलामाथि हुने विभिन्न प्रकारका विभेद, महिला हिंसा साथै अवसरको बारेमा छलफल गरिएको थियो । वाणगंगा नगरपालिका वडा नम्बर ३ गंगौलियामा भएको कार्यक्रममा महिलाले आफुहरुसंग सिप भएपनि त्यसको सदुपयोग गर्न नसकेको बताएका छन् । उनिहरुले नगरपालिकाले महिला लक्षित कार्यक्रम ल्याई स्थानिय महिलाहरुलाई आत्मनिर्भर बनाउनुपर्ने बताएका छन् ।
कार्यक्रमको सहजीकरण गर्दै (डब्लूडब्लूजे) जिल्ला उपाध्यक्ष गिता अर्यालले महिलाले आफ्नो हक अधिकारको लागि आफै जागरुक हुनुपर्ने भन्दै महिलाहरु अब आर्थिक पार्जनमा लाग्नुपर्ने बताउनुभयो ।
(डब्लूडब्लूजे) ले जिल्लामै पहिलो पटक महिलाको अवस्था र अवसर विषयक अन्तरक्रिया गरेको हो । (डब्लूडब्लूजे) को कार्यक्रम सन्डे क्लव अन्तरगत कार्यक्रम गरिएको हो । यस अघि चन्द्रौटामा पनि महिला सम्बन्धी विभिन्न कार्यक्रम सम्पन्न गरिसकेको छ । कार्यक्रम उपाध्यक्ष गिता अर्यालको अध्यक्षता र सचिव दीपा महतको सञ्चालनमा सम्पन्न भएको हो ।