लिटिल प्रिन्सेस एण्ड प्रिन्सको विजेतालाई बर्षभरीको छात्रवृत्ति

मायादेवी अनलाइन, कपिलवस्तु ।
कपिलवस्तुमा पहिलोपटक लिटिल प्रिन्सेस एण्ड प्रिन्स प्रतियोगिता हुने भएको छ । ए एण्ड ए इभेन्टको आयोजनामा छिटै नै यो प्रतियोगिता सुरु हुन लागेको आयोजकले पत्रकार सम्मेलन मार्फत जानकारी गराएको हो । केही दिन अघि पत्रकार सम्मेलनको आयोजना गरी बालबालिकाको सर्वाङगिण विकासमा टेवा पुर्याउने उद्येश्यले आयोजना गरिने प्रतियोगिताको विजेतालाई अध्ययनको लागि एक बर्षभरीको पूर्ण छात्रवृत्ति प्रदान गरिने संस्थाका अध्यक्ष अनमोल सिहले जानकारी दिनुभयो । रिया जुसले मुख्य प्रायोजन गरेको प्रतियोगितामा ७ बर्षदेखि १३ बर्ष सम्मका बालबालिकाले भाग लिन पाउने छन् । त्यसको लागि कार्तिक महिनाबाटै रजिष्ट्रेसन फारम खुलेको र छिटै नै स्थान तोकेर अडिसन हुने सिंहले जानकारी गराउनु भयो । विजेताले छात्रवृत्तिसंगै ३ महिने आधारभूत कम्पूटर कोर्ष, नगद पुरस्कार र थुप्रै उपहार पनि प्राप्त गर्नेछ । प्रतियोगितामा छनोट भएकाहरुलाई बिभिन्न उत्प्रेरणात्मक तालिमहरु प्रदान गरिने छ ।