गोली लोड गरिएको पेस्तोलसहित तरुण दलका नगर अध्यक्ष पक्राउ

नेपालगञ्ज ।
नेपाली कांग्रेस निकटको युवा संगठन नेपाल तरुण दलका नेपालगञ्ज नगर अध्यक्ष सन्दीपजंग शाह लोड गरिएको पेस्तोलसहित पक्राउ परेका छन् ।
निजी सवारीको सिटमुनी लुकाइ रहेको अवस्थामा दुई वटा गोली लोड गरिएको अमेरिकन पेस्तोल फेला परेको प्रहरीले जनाएको छ ।शंकास्पद गतिविधिदेखिएपछि शाहीमाथि चेकजाँच गरिएको प्रहरीले जनाएको छ । बाँकेको सुर्खेतरोडस्थित एक रिसोर्टमा बसेको समूहको गतिविधि शंकास्पद देखिएपछि इलाका प्रहरी कार्यालय कोहलपुरका प्रमुख प्रहरी नायब उपरीक्षक हेम शाहीको टोलीले चेकजाँच गरेको थियो । त्यसक्रममा तरुण दलका नगर अध्यक्ष शाहसहित अन्य पाँच जना पक्राउ परेको प्रहरीले जनाएको छ ।
प्रहरीका अनुसार आज(शुक्रवार) खुल्न लागेको एउटा ठेक्का हात पार्ने विषयमा योजना बनाउन उनीहरु रिसोर्टमा बसेका थिए । तर उनीहरुको गतिविधि शंकास्पद भएपछि प्रहरीले चेक जाँच गरेको थियो । अध्यक्ष शाह राजनीतिक आडमा विभिन्न ठेक्का पट्टा हात पार्न सक्रिय हुने गरेका प्रहरीले जनाएको छ ।