पाकिस्तानमा गुडिरहेको रेलमा आगलागी हुँदा कम्तीमा ६० को मृत्यु

पाकिस्तान ।
कराँचीबाट लाहोर गइरहेको रेलमा आगलागी हुँदा कम्तीमा ६० जनाको मृत्यु भएको छ । बिहीबार भएको आगलागीमा दर्जनौं यात्रु घाइते भएका छन् ।

स्थानीय समाचार माध्यमले जनाएअनुसार तेजगाम एक्स्प्रेसको रेलमा आगलागी भएको हो । केही यात्रुले खाजा बनाउने क्रममा ग्यास सिलिन्डर विस्फोट भएर आगलागी भएको रेल्वे अफिसले जनाएको छ । रेलका ३ डब्बा जलेका छन् । घाइतेलाई उद्धार गरी नजिकैको अस्पताल लगिएको छ ।