मायादेवी मिडियाद्धारा तिहारको शुभकामना

मायादेवी अनलाइन, वाणगंगा । 

मङ्गलबार (आज) नेपालीहरुको दोस्रो ठूलो चाड तिहार । तिहार पर्वको अवसरमा मायादेवी मिडियाले छुट्टा छुट्टै शुभकामना सन्देश दिएको छ । रेडियो मायादेवी १०६ थोप्लो १ मेगाहर्ज सञ्चालन संस्था नव छहारी सामाजिक विकास संस्थाका अध्यक्ष नन्दकिशोर शुक्ला, सचिव थानेश्वर अधिकारी र रेडियो मायादेवीका अध्यक्ष टेकेन्द्र क्षेत्रीले तिहार पर्वको अवसरमा समस्त स्रोता, विज्ञापनदाता, कर्मचारी, शुभेच्छुक, शुभचिन्तक तथा देश विदेशमा रहेका समस्त नेपालीलाई शुभकामना दिनुभएको छ । तिहारले समस्त नेपालीमा सुख, शान्ति र समृद्धि दिनेछ भन्ने उहाँहरुले आशा व्यक्त गर्नुभएको छ ।

यता मायादेवी अनलाइन डटकम र मायादेवी टिभी सञ्चालन संस्था मायादेवी मिडिया ग्रुप प्रा.लि.का अध्यक्ष तथा कार्यकारी निर्देशक हरि अधिकारीले तिहार पर्वले नेपालीबीच आत्मियता, भाईचारा प्रगाढ बनाओस भन्दै शुभकामना दिनुभएको छ । बर्षमा एक दिने आउने तिहारले गाउँ, शहर, बजार रंगीचंगी पार्ने भन्दै समस्त नेपालीको मनमा पनि तिहारमा खुसी दिनेमा आशा व्यक्त गर्नुभएको छ । सरकारले लिएको समृद्धि नेपाल, सुखी नेपालीको नारालाई सार्थकता दिन पनि तिहार पर्वले महत्वपूर्ण भूमिका खेल्नेमा विश्वास व्यक्त गर्नुभएको छ ।