माछा मार्ने क्रममा डुबेर युवक वेपत्ता

कैलाली ।
कैलालीको टीकापुर नगरपालिका ९ पायल गाँउका एक युवक माछा मार्ने क्रममा मोहना नदीमा डुबेर बेपत्ता भएका छन् ।
प्रहरीका अनुसार २५ वर्षीय रामु हुडके माछा मार्ने क्रममा आइतबार साँझ साढे पाँच बजेतिर मोहना नदीमा डुबेर बेपत्ता भएका हुन् ।
इलाका प्रहरी कार्यालय टीकापुरले उनको खोजी जारी राखेको छ । घट्ना भएलगत्तै प्रहरी निरीक्षकको नेतृत्वमा परिचालित सात जना प्रहरीको टोलीले हुडकेको खोजी गरिरहेको जिल्ला प्रहरी कार्यालय कैलालीका प्रवक्ता प्रहरी नायव उपरीक्षक दक्ष बस्नेतले बताए ।
उनले हुडकेको खोजीका लागि सशस्त्र प्रहरीको गोताखोर टीमलाई बोलाइने बताए । स्थानीयका अनुसार उक्त क्षेत्र गोहीको बासस्थान भएका कारण हुडकेलाई गोहीले तानेको आशंका गरिएको छ ।