जितपुरमा मोटरसाइकल दुर्घटना, २ जना घाइते

मायादेवी अनलाइन, कपिलवस्तु ।
बाणगंगा नगरपालिका ४ जितपुरमा शनिबार विहान मोटरसाइकल दुर्घटना भएको छ । जितपुर चोकबाट करिब डेढ सय मिटर तल तौलिहवा रोडमा दुईवटा मोटरसाइकल एक आपसमा ठोक्किएर पुनः वससंग ठोक्किएका थिए । चार नम्बरबाट तौलिहवा तर्फ गई रहेको लु २६ प ७३०० नम्बरको मोटरसाइकल र विपरित दिसाबाट आइरहेको लु ५२ प ८९०१ नम्बरको एफ जेड मोटरसाइकल एक आपसमा ठोक्किँदा दुवै मोटरसाइकलका चालक सामान्य घाइते भएका छन् । घाइते हुनेमा वाणगंगा नगरपालिका वडा नम्बर ४ निवासी २२ वर्षिय अर्जुन पाण्डे र बुटवल उपमहानगरपालिका देवीनगर बस्ने २३ वर्षका भरत चन्द रहेको प्रहरीले जनाएको छ ।
। एफ जेड मोटरसाइकलका चालकको टाउको र हातखुट्टामा सामान्य चोट लागेको छ भने अर्को मोटरसाइकलको चालकलाई पनि सामान्य चोट लागेको प्रहरीले जनाएको छ । दुवैलाई उपचारको लागि कपिलवस्तु सामुदायिक अस्पत्तालमा लगिएको छ । मोटरसाइकल चालकको लापरबाहिका कारण दुर्घटना भएको प्रहरीले जनाएको छ ।