पाँकुरी विद्यालयद्धारा शत प्रतिशत उपस्थित विद्यार्थीलाई पुरस्कृत

अर्घाखांची, शितगंगा ।
अर्घाखाँचीको शितगंगा नगरपालिका वडा नं।९ स्थित पाँकुरी आधारभूत विद्यालयले नियमित अतिरिक्त कार्यक्रम अन्तर्गत अंग्रेजी हिज्जे प्रतियोगिताका साथै मासिक सत प्रतिशत विद्यालयमा उपस्थित हुने विद्यार्थीलाई सम्मान गर्दै पुरस्कार वितरण गरेको छ ।
विद्यार्थीहरुको अंग्रेजी भाषाको विकास गर्ने उद्देश्यले संचालित अतिरिक्त कार्यक्रम अन्तर्गत अङ्ग्रेजी हिज्जे प्रतियोगिता सम्पन्न गरेको हो ।
सो प्रतियोगिता कक्षागत रुपमा संचालन गरिएको थियो । प्रितियोगितामा प्रथम, द्वितिय र तृतिय हुने विद्यार्थीहरूलाई कार्यक्रमका अध्यक्ष तथा विद्यालयका प्रधानाध्यापक गणेश बेल्बासेद्वारा पुरस्कार वितरण गरिएको थियो ।
सोही कार्यक्रममा साउन, भाद्र र असोज महिनामा विद्यालयमा शत प्रतिशत उपस्थित हुने विद्यार्थीहरुलाई शैक्षिक सामाग्री प्रदान गरीएको छ । विद्यार्थीहरूको नियमित उपस्थिती बढाउन विद्यालयले गत जेठ देखि मासिक रुपमा शत प्रतिशत हाजीर हुने विद्यार्थीहरुलाई सम्मान गर्दै आएको प्रधानाध्यापक गणेश बेल्बासेले बताउनु भयो ।
पुरस्कार वितरण कार्यक्रम विद्यालयका प्रधानाध्यापक गणेश बेल्बासेको अध्यक्षता र सहायक प्रधानाध्यापक तिलक राम बन्जाडेको संचालनमा सम्पन्न भएको थियो ।