वुमन्स च्याम्पियन्स लिग क्रिकेटको फाइनल आज

कात्तिक ७ ।
वुमन्स च्याम्पियन्स लिग क्रिकेट प्रतियोगिताको उपाधिका लागि बिहीबार क्याट क्वीन्स काठमाण्डौ र चितवन राइनोज खेल्दै छन् । चितवन राइनोज अपराजित रहँदै शीर्ष स्थानमा रहँदै फाइनलमा पुगेको हो ।
काठमाण्डौ भने प्ले अफ खेलेर फाइनल पुग्न सफल भयो । समूह चरणका चार खेल नै जितेको चितवन राइनोजले फाइनलमा पनि त्यस्तै आत्मविश्वासका साथ खेल्ने जवाफ दिएको छ भने काठमाण्डौ पहिलो खेलमा चितवनसँग पराजय व्यहोरे पनि पछिल्ला चारमा उत्कृष्ट प्रदर्शन गरेकाले फाइनल खेल रोमाञ्चक हुने अपेक्षा गरिएको छ । फाइनल खेल बिहान साढे ११ बजेदेखि सुरु हुनेछ ।