रियलले पहिलो हार खाँदा बार्सिलोना शीर्ष स्थानमा

एजेन्सी ।
बार्सिलोना स्पेनिस ला लिगाको शीर्ष स्थानमा उक्लिएको छ । गएराति भएको खेलमाएइबरमाथि ३–० को जित निकाल्दै बार्सिलोना ९ खेलबाट १९ अंकसहित शीर्ष स्थानामा उक्लियो ।
पहिलो हाफमा एक गोल गरेको बार्सिलोनाले दोस्रो हाफमा थप दुई गोल गरेको हो । एइबरको मैदानमा भएको खेलमा बार्सिलोनालाई जिताउन एन्टोनी ग्रिजम्यान, लियोनल मेस्सी र लुइस स्वारेजले एक एक गोल गरे ।
जितसँगै बार्सिलोनाले शीर्ष स्थानको रियल मड्रिडलाई पछि पारेको हो । गएराति नै भएको अर्को खेलमा रियल मड्रिड मार्लोकासँग १–० ले पराजित भयो । जारी लिगमा रियलको यो पहिलो हार हो ।ला लिगा अन्तर्गत शनिबार राति नै भएको खेलमा एथ्लेटिको मड्रिड र भ्यालेन्सियाले १–१ को बराबरी खेल्दै अंक बाँडेका छन् भने गेटाफेले लेगानेसलाई २–० ले पराजित गरेको छ ।