बोडगाउँमा जारी टि-२० क्रिकेटमा राजपुर बुद्धभूमि विजयी, लक्ष्मणघाट १९ रनमै ‘प्याकअप ’

मायादेवी अनलाइन । 

राइजिङ इलाभेन क्रिकेट क्लव बनगाईको आयोजनामा सुरु भएको टि – २० क्रिकेटमा शुक्रबार राजपुर क्रिकेट क्लव बुद्धभूमि विजयी भएको छ । बाणगंगा ८ स्थित मायादेवी रंगशालामा बुधबार बाट सुरु भएको प्रतियोगितामा शुक्रबार राजपुरले लक्ष्मण घाट क्रिकेट क्लवलाई पराजित गरेकोे हो । पहिला ब्याटिङ गरी निर्धारित ओभरमा राजपुरले ९० रन बनाएको थियो । ९१ रनको लक्ष्य पछ्याएको लक्ष्मण घाट सात ओभरमा अलआउट हुँदै १९ रनमा समेटिएपछि राजपुरले सहज जित हासिल गरेको थियो । राजपुरको लागि गोविन चौधरीले ४, निरज चौधरीले  २, रिजन थापाले २ तथा करमहुसेन खानले २ विकेट लिएपछि लक्ष्मणघाटको ब्याटिङ पंती ध्वस्त भएको थियो ।  प्रतियोगितामा राजपुरका गोबिन्द चौधरी म्यान अफ द म्याच भएका छन् ।