बुद्धभूमीमा नगरस्तरिय खुल्ला ब्याडमिन्टन प्रतियोगिता हुँदै

मायादेवी अनलाइन, बुद्धभूमी ।

कपिलवस्तुको बुद्धभूमी नगरपालिकामा भोली (शनिबार) बाट खुल्ला ब्याडमिन्टन प्रतियोगिता सुरु हुने भएको छ । “ राष्ट्रको लागि खेलकुद, स्वास्थ्यको लागि खेलकुद ” भन्ने मूल नाराका साथ प्रतियोगिता आयोजना गरिएको हो । शुभदिपावली तथा छठ पर्वको अवसरमा आयोजित कार्यक्रममा विभिन्न समुहले प्रतिस्प्रर्धागर्न लागेको वडा नम्बर ४ का वडा अध्यक्ष पवन चौधरीले जानकारी दिनुभयो । उहाले स्थानिय स्तरमा आयोजना हुने प्रतियोगिताले खेलाडीको शारिरिक तथा संवेगात्मक विकास हुने भन्दै प्रतियोगिताले स्थानिय स्तरमा खेलाडी उत्पादनमा जोड दिने बताउनुभयो । बुद्धभूमी ब्याडमिन्टन संघको आयोजनामा सुरु हुने लागेको प्रतियोगितामा बुद्धभूमी नगरपालिका वडा नम्बर ४ ले सहयोग गरेको छ । प्रतियोगिता बुद्धभूमी रंगशाखा खेल मैदान बुड्ढीमा सञ्चालन हुने छ ।