प्युठानको बस र टाटासुमो कपिलवस्तुको चारनम्बरमा ठोक्किए

मायादेवी अनलाइन, वाणगंगा ।

कपिलवस्तुको जितपुर चारनम्बरमा यात्रु बाहक बस र टाटासुमो ठोक्किएका छन् । सोमबार राती पौने ९ बजेको समयमा दुई गाडी एकआपसमा ठोक्किएका हुन् ।
प्युठानबाट काठमाडौंका लागि छुटेको ना ७ ख २६२ नं. को नमस्ते यातायातको बस र पूर्वबाट पश्चिम तर्फ आउँदै गरेको लु २ त ६९७९ नं. को टाटासुमो ठोक्किएको स्थानीय अमृत घिमिरेले जानकारी दिनुभयो ।

दुर्घटनाबाट झण्डै आधा दर्जन घाइते भएका बताइएको छ । जसमा दुई जनाको अवस्था गम्भिर छ । ओभरटेक गर्ने क्रममा दुई गाडी एक आपसमा ठोक्किएको प्रत्यक्षदर्शीले बताएका छन् । घाइतेहरुको चारनम्बरमा रहेका विभिन्न अस्पतालमा उपचार भैरहेको छ । दुर्घटना भएलगत्तै स्थानीयबासी र इलाका प्रहरी कार्यालय पिपराका प्रहरीले घाइतेको उद्धार गरेर अस्पतालमा पुर्याएका थिए । घटनाको सबै विवरण आउन बाँकी छ ।