बेजोड पाराले सिंगारिँदै काठमाण्डौँ,हिस्स पर्लान् कि खिस्स चिनियाँ राष्ट्रपति सी

काठमाडौं ।
चिनियाँ राष्ट्रपति सी जिनपिङको स्वागतका लागि काठमाडौं सजाउन थालिएको छ । दसैं लगत्तै चिनियाँ राष्ट्रपति नेपाल भ्रमणमा आउने तय भएको छ । चिनियाँ राष्ट्रपतिको स्वागतका लागि त्रिभुवन अन्तर्राष्ट्रिय विमानस्थलदेखि माइतिघरसम्मको सडक सजाउन थालिएको छ । माइतीघर मण्डलमा रंगरोगन गर्न सुरु गरिएको छ । सडकका खाल्टा पुर्न थालिएको छ । तीनकुने मैदान वरिपरि माटो थुपारेर रुख रोप्न थालिएको छ । सडक किनारामा रंग पोत्न सुरु गरिएको छ भने निर्माणाधिन संरचना होर्डिङ बोर्डले छोपिएको छ ।