मायादेवी अनलाइन, वाणगंगा ।
कपिलवस्तुको बाणगंगा–३ राजापानीमा सम्पन्न पाँचौ मुहान कप जिल्लास्तरीय फुटवल प्रतियोगीताको उपाधि न्यू बुद्ध स्पोर्टस् क्लव बनकट्टीले हात पारेको छ । हजारौँ दर्शकको बीचमा भएको रोमाञ्चक खेलमा न्यू बुद्धले सनराईज मोतिपुरलाई ४–० ले पराजित गरेको हो ।
यसअघिका खेलमा उत्कृष्ट प्रदर्शन गरे पनि बनकट्टीका सामु सनराइज फितलो देखियो । उपाधिसंगै बनकट्टीले ६० हजार शिल्ड, मेडल र प्रमाणपत्र प्राप्त गरेको छ भने उपविजेता सनराइजले ३५ हजार शिल्ड, मेडल र प्रमाण पत्रमा चित्त बुझाउनु पर्यो ।
यस्तै बुढोसुड्डाको उपाधि भने सूर्योदय बुङचीले हात पारेको छ । सुर्योदयले नव प्रभात युवा क्लव ठाकुरापुरलाई ४–१ गोलले पराजित गरी उपाधिस्वरुप खसी प्राप्त गरेको छ ।
प्रतिक्रिया