ठुलो परिमाणमा लागु औषध सहित कपिलवस्तुमा दुई जना पक्राउ

मायादेवी अनलाइन, कपिलवस्तु ।
कपिलवस्तुमा ठुलो परिमाणमा लागु औषध सहित २ जना पक्राउ परेका छन् । जिल्लाको बाणगंगा नगरपालिका वडा नं ५ खुटेनी स्थित कोपवा देखी बनगाई जाने सडक खण्डमा लागु औसध सहित २ जना पक्राउ परेका हुन् । सोही सडक खण्डमा लु ११ प ५२७९ नम्बर मोटरसाईकल रोकी चेक जाँच गर्ने क्रममा मोटरसाईकल चालक सलाउद्दिन मुसलवान र सोही मोटरसाइकलको पछाडी सवार मकिम भन्ने मजिबुर रहमानलाई लागु लागु औषध सहित पक्राउ गरिएको हो ।
उनिहरुको साथबाट ९ ग्राम ७९० मिलिग्राम लागु औषध र १३ हजार नगद र भारतिय एक हजार रुपैया बरामद गरिएको इलाका प्रहरी कार्यलय पिपराले जनाएको छ । उनिहरुलाई नियन्त्रणमा लिइ थप अनुसन्धान भईरहेको ईलाका प्रहरी कार्यालय पिपराका र्यालय प्रमुख आयुश प्रशाद जोशीले जानकारी दिनुभयो ।
पछिल्लो समय देशका विभिन्न क्षेत्र अन्तर्गतमा बरामद भएको लागु औषध मध्ये यो ठुलो परिमाण भएको प्रहरीले जनाएको छ । उक्त लागु औषध वरामद भए संगै यस्मा संलग्न अन्य ठुला कारोवारी समेत पक्राउ पर्ने जिल्ला प्रहरी कार्यालय तौलिहवा, कपिलबस्तु प्रमुख दीप शमशेर जबराले जानकारी दिनु भयो ।
विगतमा यस क्षेत्रमा लागु औषधको दुर्व्यसनीको संख्या बढेको तथ्याकं तथा जनगुनासो लाई मध्यनजर गर्दै ईलाका प्रहरी कार्यालय पिपरा कपिलबस्तुले लागु औषध नियन्त्रण तथा रोकथामका लागी बिभिन्न जनचेतनामुलक कार्यक्रम गर्नुका साथै बिशेष अप्रेशन संचालन गर्दै आईरहेको छ ।