न्यू बुद्ध बनकट्टी मुहानकपको फाइनलमा, विहिबार मुहान ‘ए’ र सनराइज भीँड्ने

मयादेवी अनलाइन, कपिलवस्तु ।
न्यू बुद्ध स्पोर्टस बनकट्टी बाणगंगा ३ राजापानीमा जारी जिल्लास्तरीय फुटवलको फाइनलमा प्रवेश गरेको छ । बुधबार भएको पहिलो सेमीफाइनल खेलमा बलियो प्रतिद्वन्दी सूर्योदय क्लव बुङचीमाथि संघर्षपूर्ण जित निकाल्दै बनकट्टी फाइनलमा प्रवेश गरेको हो । निकै रोमाञ्चक खेलमा अग्रता जोगाउन नसक्दा सूर्योदय २–१ गेलले पराजित भयो । पहिलो हाफको सातौँ मिनेटमै सूर्योदयका खेलाडीले गोल गरेर अग्रता दिलाए पनि १६ औँ र १७ औँ मिनेट सूर्योदयाकोे लागि सुखद हुन सकेन । १७ औँ मिनेटमा जर्सी नम्बर १७ का रोशन सेनले गोल गरेर खेल बराबरीमा ल्याएका थिए । त्यस लगत्तै गोल पोष्टको करिब २५ यार्ड टाढाबाट पाएको फ्रिकिकलाई सुन्दर गोलमा परिणत गर्दै बनकटटीका गोविन पालुङल अग्रता उल्टाए ।
त्यसपछि निर्धारित समयसम्म दुवै तर्फबाट गोल गर्ने थुप्रै अवसर प्राप्त भए पनि गोलमा परिणत नहुँदा बनकट्टी विजयी भयो । प्रतियोगितामा सूर्योदयका जर्सी नम्बर १५ का सुजन खत्री म्या अफ दि म्याच घोषित भए । उनलाई रेडियो मायादेवीका स्टेसन मेनेजर चन्द्रकान्त न्यौपानले ट्रपी प्रदान गर्नुभएको थियो । प्रतियोगितामा विहिबार (भोली) दोश्रो सेमिफाइनल खेल हुँदै छ । राजापानी खेल मैदानमा भोली आयोजक मुहान एफसी ए र सनराइज मोतिपुर भीँड्ने आयोजकले जनाएको छ ।